ഡൽഹി : ചോദ്യം രാഹുൽ ഗാന്ധിയുടെതാണ്. ചോദിച്ചത് തമിഴ്നാട് മുഖ്യമന്ത്രി എ.കെ. സ്റ്റാലിനോടും. ചോദ്യത്തിനൊപ്പം ഇപ്പോൾ വിദേശത്തുള്ള .എം.കെ. സ്റ്റാലിൻ അവിടെ സൈക്കിളിൽ സഞ്ചരിക്കുന്ന വീഡിയോകൂടി രാഹുൽ ഗാന്ധി സാമൂഹിക മാധ്യമങ്ങളിൽ ഷെയർ ചെയ്തിട്ടുണ്ട്. ബി.ജെ.പിയെ നേരിടാനുള്ള വിശാല ഇന്ത്യ സഖ്യത്തിൻ്റെ മുന്നണിയിലുള്ള നേതാക്കളാണ് ഇരുവരും. രാഷ്ട്രീയ നീക്കങ്ങളിൽ പരസ്പ‌രം കൈകോർത്തും വിശേഷാവസരങ്ങളിൽ ആശംസകൾ കൈമാറിയും ഇരുവരും സമൂഹമാധ്യമങ്ങളിൽ നിറയാറുണ്ട്.
യു.എസ് സന്ദർശനത്തിലാണ് നിലവിൽ എം.കെ. സ്റ്റാലിൻ. യു.എസിലെ വിവിധ പരിപാടികളുടെയും കൂടിക്കാഴ്ചകളുടെയും വിശേഷങ്ങൾ സ്റ്റാലിൻ പങ്കുവെക്കുന്നുണ്ട്. ഇതിനൊപ്പം, കഴിഞ്ഞ ദിവസം സൈക്കിൾ സവാരി നടത്തുന്നതിൻ്റെ വിഡിയോ സ്റ്റാലിൻ എക്സിൽ പങ്കുവെച്ചിരുന്നു. 'സായാഹ്നത്തിന്റെ ശാന്തത പുതിയ സ്വപ്നങ്ങൾക്ക് കളമൊരുക്കുന്നു' എന്ന അടിക്കുറിപ്പോടെയായിരുന്നു യു.എസിൽ നിന്നുള്ള വിഡിയോ.
സ്റ്റാലിന്റെ ഈ പോസ്റ്റ് രാഹുൽ ഗാന്ധി പങ്കുവെച്ചു. 'സഹോദരാ, നമ്മൾ എന്നാണ് ഒരുമിച്ച് ചെന്നൈയിൽ സൈക്കിൾ സവാരി നടത്തുന്നത്?' എന്ന ചോദ്യത്തോടെയാണ് രാഹുൽ സ്റ്റാലിൻ്റെ വിഡിയോ പങ്കിട്ടത്.
Bro, we are cycling together in Chennai?
